每逢星期六我都鍾意煮下其他食物,好似意粉或者煲粥炒麵咁,
上個星其六我就煮左呢個蝴蝶粉同煎雞胸....
果日煮好碟意粉我就叫老公埋位,佢問我使吾使影相先喎?原本我都無諗過要影相,不過見佢叫到就影番一張啦!
其實好多時煮好餸我都吾會影相,因為煮好左嘅食物都襯熱食先至好味,除非係自己覺得值得介紹比大家嘅餸菜啦,我就會影張相,再喺blog到介紹一下,哈哈..呢個就係我吾可以經常更新個blog嘅原因囉!
今次嘅蝴蝶粉我係用鑵頭忌廉磨菇湯煮嘅,所以毫無難度,而雞胸就用鹽,雜香草同黑胡椒略醃,然後煎香就得,雞胸肉好厚,因為怕中心吾熟所以預先在肉面上介左幾刀,咁就吾使驚會食生雞啦,真係簡簡單單又一餐!
