這是上年我做的月餅

                       今年買左兩個迷你月餅,棗泥及鳳梨

              為慶祝中秋節而準備的零食..

真係一年容易又中秋呀....今年我無咩心機整月餅,所以攞上年整嘅月餅照片應下節啦,本來應該仲有一張酥皮奶皇月嘅照片,不過都吾知去左邊...

我問老公今年整吾整月餅好,佢話怕我辛苦叫我吾好整,..

吾整都好嘅..廣式蓮蓉月油份糖份好高,再加埋兩個咸蛋黃,真係怕食左膽固醇上升呀..冰皮月餅有奶同椰漿,又吾啱奶奶食,所以我兩公婆決定係出面隨便買兩個迷你月餅應下節就算!

我地買左棗泥及鳳梨味,吾知好吾好食呢,而家都係得個睇字先,過兩日中秋節就可以試下味道啦,我地仲買左好多零食,打算當晚喺屋企"嘆世界"開支紅酒一邊睇電影,一邊食零食,過一個開心嘅中秋!

小時候過中秋會覺得好開心,因為可以玩燈籠,食完晚飯就立刻點著個燈籠去行街街,燈籠又有光又有熱,拎住嚟行真係又驚又威風,不過長大左之後就無哂呢種興緻lu...haha..或者因為我地學識左打麻將啦,過時過節我地幾兄弟姊妹都會圍埋一齊打下麻將,屋企真係好熱鬧架,係美國呢邊就無過節氣氛囉,都吾知點解,無論過咩節日呢邊都係"靜鷹鷹",就算係聖誕新年或者係美國國慶,都係無咩慶祝氣氛,所以都係香港好,咁多人回流真係事必有因架!一個人生存吾係淨係為左錢架,都要睇活得有無意思囉,大家話係咪??