呢兩日早餐又可以吾使食麥皮啦 
整左大槪30粒燒賣
雖然材料新鮮,但係食落始終無酒樓整嘅咁鮮味,差左d咩呢??我老公話因為我無落雞粉同味精喎,我諗都係咁嘅原因啦..
由小到大我家廚房都吾會有雞粉同味精呢兩樣嘢,我媽覺得食味精無益,所以佢一向都吾會用,不過佢煮出嚟嘅餸菜都一樣咁好味架,因為我比佢貫輸左食味精無益呢個慨念,所以我嘅廚房都係吾會有雞粉同味精呢兩樣嘢架!
嘿嘿..食即食麵就吾同,我覺得如果吾落包味粉落去就不如吾好食,因為味粉就係即食麵嘅靈魂呀,無左個湯底就個個麵都差吾多啦,不過我食即食麵一向都吾飲佢嘅湯,真係忍吾住就最多飲一啖啦,然後就拿拿聲倒左去,費事比佢引誘,亞媽教落食味精無益麻!
講返呢個燒賣先,材料好者簡單架..
餡料有:梅頭豬肉(要肥少少嘅),蝦,冬菇及蔥粒(可無)
調味料有:豉油,糖,鹽,生粉,麻油,胡椒粉
做法:
梅頭肉大部份切粒,少部份剢成肉碎,冬菇及蝦切粒
梅頭肉順著一個方向攪拌至起膠,加入蝦粒,冬菇及調味料再順方向攪拌及撻至起膠,最後加入蔥粒拌勻
把餡料包入燒賣皮裡,包好後上面放上蟹子即成(我吾記得買蟹子,唯有用紅蘿蔔頂替啦
)
