星期日天氣非常好,我地又燒烤啦

                     即開生蠔,好新鮮架

            生食大硯夠鮮味又有咬口,無得頂呀!  

              燒雞翼,牛排,大啡菇及意大利瓜

                       仲有大家至愛嘅羊排

奶奶要食熟嘅生蠔同青口,仲有大嫂特別為佢嘅準備嘅雞排

還有蜜糖腸,芝士腸,牛肉漢堡,金菇,雜菜,粟米,番薯,牛丸及魚旦,
Wo...真係食得好滿足呀!

喺美國BBQ吾係自己拎住支义去燒,而係將放食物喺個爐上燒嘅,只係一個人就可以燒哂d食物,其他人可以坐埋一邊等食,呢個形式吾知大家鍾吾鍾意呢?

我就比較鍾意香港式燒烤,自己拎住支燒烤义慢慢咁燒,一班人圍住個火爐,可以一邊燒嘢食一邊傾計,一時話佢燒得件豬排未夠熟,一時又佢燒得條腸仔太燶,我可以幫你搽下蜜糖,你又可以燒多粒魚旦比我,七咀八舌咁喺到討論d食物,真係好鬼溫馨架!不過喺美國就吾會咁樣燒嘢食,只要將食物放上燒烤架上就得,見佢差吾多得就反轉另一面燒,完全可以一腳踢,其他人做咩好呢?咪可以坐係到睇電視等食囉!!

我覺得咁樣好食都吾玩,無燒烤feel,可能自己太過習慣香港嘅生活方式啦! Oh..我想去獅子山公園燒嘢食呀!

不過呢種燒嘢食方式我諗我老公就最鍾意,因為佢可以用等食嘅時段去上網,佢真係上網上到癈寢忘餐啦....